Жариялау этикасы

Журналдың редакциялық алқасы өз жұмысында ғылыми этика ережелерін ұстанады. Журнал редакциясы қабылданған этикалық нормаларды сақтауға және ауытқуларға жол бермеуге тырысады.

Бас редактордың міндеттері

- Журналға тікелей басшылық етеді;

- Журналдың баспа қызметіне қатысты мәселелерді үйлестіреді;

- Журналдың баспа қызметі бойынша жоспар мен есепті дайындайды;

- Журналдың көркемдік және техникалық безендірілуіне қатысты мәселелерді шешеді;

- Журнал қызметін жетілдіру және оның тиімділігін арттыру бойынша ұсыныстар енгізеді;

- Мақалалардың ішкі және сыртқы сараптамасын ұйымдастыру жұмыстарын үйлестіреді;

- Қолжазбаларды өндіріске жібереді және шығарылым алдындағы сигналық даналарын тексереді.

Бас редактордың орынбасарының міндеттері

- Редакциялық алқаның жұмысын жоспарлап, жалпы басшылықты жүзеге асырады;

- Журналдың ұқсас басылымдар арасында жетекші орнын сақтауға мүмкіндік беретін деңгейде шығарылуын қамтамасыз етеді;

- Жарияланымға мүмкіндігінше көп вакансияларды тарту бойынша тұрақты жұмыс жүргізеді;

- Журнал материалдарының дайындалуын және жариялануын бақылап отырады;

- Әртүрлі мемлекеттік, коммерциялық және қоғамдық ұйымдармен ақпараттық ынтымақтастықтың қажеттілігі мен тиімділігін анықтайды;

- Журналдың әрбір санына дайындыққа қатысады, оның мазмұны мен толықтығы бойынша шешімдер қабылдайды;

- Журналды дамыту және ілгерілету бойынша іргелес бөлімдермен және құрылымдармен жұмыс жүргізеді;

- Авторлардың рецензенттердің ескертулері мен қолжазбаларға қойылатын талаптарды орындауын, ұсынылған материалдың толықтығын және атауының мазмұнына сәйкестігін тексереді.

Ғылыми редактордың міндеттері

- Жариялауға қабылданған материалдар мен оларға жазылған рецензияларды қарап шығып, ұсынылған өзгерістер мен/немесе толықтыруларды ескере отырып, материалдарды бастапқы күйінде немесе өңделгеннен кейін жариялауға мүмкіндік туралы қорытынды дайындайды;

- Материал қабылданбаған жағдайда, белгіленген мерзімде негізделген жазбаша бас тарту хаттарын дайындайды;

- Өзінің тақырыптық бағыты бойынша редакторларға тиісті білім саласындағы отандық және шетелдік ғылым мен техниканың соңғы жетістіктері туралы кеңес береді;

- Жариялауға қабылданған материалдарды өңдейді, бұл ретте авторларға қолжазба құрылымын жақсарту, терминдерді таңдау, иллюстрацияларды рәсімдеу және т.б. бойынша қажетті көмек көрсетіп, ұсынылған өзгерістерді олармен келіседі;

- Ғылыми редакциялау барысында жариялауға дайындалған жұмыстарда ғылым, техника және озық өндірістік тәжірибенің соңғы жетістіктерінің қаншалықты көрініс тапқанын, сондай-ақ авторлар рецензенттердің ескертулері мен материалдарды өңдеуге қойылатын талаптарды қаншалықты ескергенін тексереді;

- Ұсынылған материалдың толықтығын, Журнал бөлімдерінің атауына сәйкестігін, дәйексөздер мен сандық деректердің дұрыс жазылуын, есімдер, таңбалар, ғылыми-техникалық терминдер, өлшем бірліктерінің қолданылуы мен жазылуын, анықтамалық аппараттың рәсімделуін тексереді.

Жауапты хатшының міндеттері

- Жариялануға арналған материалдарды жоспарлау, уақтылы және сапалы дайындау жұмыстарын ұйымдастырады және бақылайды;

- Журналға материалдарды іріктеуді жүзеге асырады, материалдардың келіп түсу кестесінің орындалуын қадағалайды;

- Жұмыс жоспарларын әзірлеуге және есептерді дайындауға қатысады;

- Жариялауға қабылданған материалдарды қарап шығып, авторларға құрылымды жақсарту, терминдерді таңдау, иллюстрацияларды рәсімдеу және т.б. бойынша қажетті көмек көрсетеді, ұсынылған өзгерістерді олармен келіседі;

- Журналдың макетін баспаға ұсынады.

Техникалық хатшының міндеттері

- Авторлар туралы ақпаратты жинаумен айналысады;

- Журналдың электрондық нұсқасын сайтқа орналастырады;

- Қоғамның үйлестіруші құрылымдық бөлімшесіне есептерді (мақала жариялау ақысының түбіртектері, DOI идентификаторы, авторды Crossref жүйесінде тіркеу) жинап, ұсынумен айналысады.

Рецензенттердің міндеттері

- Рецензиялауға дейін журналдың онлайн жүйесіне кіріп, рецензиялауға келісімін береді немесе негізді түрде бас тартады;

- Қарастыру барысында құпиялылық қағидатын сақтайды;

- Ғылыми жұмысқа объективті баға береді, авторға жеке сын айтпай, өз пікірін нақты әрі дәлелді түрде білдіреді;

- Қарауға ұсынылған және жарияланбаған деректерді автор(лар)дың жазбаша келісімінсіз жеке мақсатта пайдалана алмайды.

Авторлардың жауапкершілігі

Редакцияға бұрын жарияланбаған, талаптарға қатаң сәйкес рәсімделген және мұқият өңделген ғылыми мақала материалдарын ұсынады;
Мақалада келтірілген деректердің шынайылығы үшін жауап береді;
Қажет болған жағдайда мақала материалдары бойынша қосымша деректерді ұсынады;
Қателер анықталған жағдайда оларды тез арада түзету шараларын қабылдайды.

Авторлық құқықтар

Қолжазба авторлығы оны дайындауға, идеяны қалыптастыруға, мақаланы жазуға, нәтижелерді интерпретациялауға тікелей қатысқан және ғылыми нәтижелерге елеулі үлес қосқан зерттеушілерге тиесілі. Авторлар өз қолжазбаларына құқықтарын сақтайды, сонымен қатар кез келген адамға бұл жұмыстың авторлығын көрсетіп, журналдағы бірегей жарияланымға сілтеме жасау арқылы оны еркін жүктеуге, таратуға немесе көшіруге рұқсат береді.

Мүдделер қақтығысы

Редакторлар мен рецензенттер ұсынылған қолжазбалардан алынған жарияланбаған деректерді автордың жазбаша келісімінсіз жеке зерттеулерінде пайдалана алмайды. Рецензиялау процесінде алынған, ықтимал пайда әкелетін ақпарат пен идеялар құпия сақталуы тиіс және жеке мақсатта қолданылмауы керек. Рецензенттер ұсынылған жұмысқа қатысы бар авторлармен, компаниялармен немесе басқа ұйымдармен бәсекелестік, бірлескен немесе өзге де қарым-қатынастар салдарынан мүдделер қақтығысы туындаған жағдайда қолжазбаларды рецензиялауға қатыспауы тиіс.

Құпиялылық саясаты

Журнал редакциясы қарауға қабылданған қолжазба туралы мәліметтерді, тағайындалған рецензенттерден басқа, үшінші тұлғаларға жарияламайды. Сондай-ақ, редакция рецензенттер туралы ақпаратты авторларға және басқа тұлғаларға ашпайды. Жариялау процесіне қатысушылардың мінез құлқының осы аталған және басқа нормалары, атап айтсақ авторлардың, редакциялық алқа мүшелерінің, баспагердің және рецензенттердің мінез-құлық қағидаттары, нормалары мен стандарттары жариялау этикасына негізделген.

Мақалаларды түзету және жетілдіру тәртібі

Егер мақалаға жазылған рецензияда оны түзету қажеттігі туралы қорытынды болса, мақала авторға қайта өңдеуге жіберіледі. Егер рецензияда мақаланы түзету және жетілдіру бойынша ұсыныстар болса, жауапты хатшы рецензия мәтінін авторға жолдап, жаңа нұсқасын дайындау кезінде оларды ескеруді немесе (толық немесе ішінара) теріске шығаруды ұсынады. Автор өңдеген мақала қайтадан рецензиялауға жіберіліп, жалпы тәртіп бойынша қаралады. Рецензент тарапынан жариялауға ұсынылмаған мақала қайта қарауға қабылданбайды.