Мақалада ұлттық компания «KEGOC» қызметі мысалында ESG (Environmental, Social, Governance) тұрақты даму қағидаларын енгізудің теориялық және практикалық аспектілері қарастырылады. Экологиялық, әлеуметтік және басқарушылық факторлардың мазмұны ашылып, олардың компания қызметінің тиімділігі мен тұрақтылығына әсері талданады. ESG қағидаларын іске асыруды талдауға, олардың тәуекелдерді төмендетуге, инвестициялық тартымдылықты арттыруға және корпоративтік басқаруды жетілдіруге ықпалына ерекше назар аударылады. Қазақстан Республикасында ESG дамуының мәселелері мен перспективалары қарастырылады. Зерттеу нәтижелері ESG тәсілін енгізу компанияның ұзақ мерзімді тұрақтылығын қалыптастыруға және оның бәсекеге қабілеттілігін арттыруға ықпал ететінін көрсетеді